მე-8 დღის შეფასება

მიმოვიხილეთ საშინაო დავალება;
შევავსეთ დიფერენცირებული სწავლების კითხვარი;
ბლოგზე განვათავსეთ ინტელის ლოგო;
ვიმუშავეთ გაჯეტებთან;
 გავეცანით ბლოგზე გვერდების ჩამატების პროცედურას.

მე-7 დღის რეფლექსია

მოსწავლის პრეზენტაციის კორექტირება;
პრეზენტაციის გადატანა გუგლ-დრაივში;
პრეზენტაციის გადატანა გუგლში;
ბლოგის განახლება;
გავიმეორეთ    როგორ გავამდიდროთ  გიფებით  ადა ანიმაციებით პროექტი.

მოსწავლის პრეზენტაცია

მე-6 დღის რეფლექსია

პროექტის შაბლონში ვიმუშავეთ წინარე ცოდნის გრაფის შევსებაზე. წარმოვადგინეთ მოსწავლის სავარაუდო ნაშრომის პრეზენტაცია პოვერ-პოინტის საშუალებით პროექტის ფარგლებში. გავიხსენეთ სვეტოვანი და წრიული დიაგრამების ნიმუშების გამოყენება.

მე-5 დღის რეფლექსია

ვიმუშავეთ საშინაო დავალების ირგვლივ. მოვახდინეთ პროექტის იდეისა და მიზნების  კორექტირება, ასევე შესწორება შევიტანეთ მიმართულების მიმცემ კითხვებში. გავეცანით შეფასების დროის ჩარჩოს, შევარჩიეთ ჩვენი პროექტისთვის შესაბამისი პუნქტები. გავაკეთეთ მოკლე მონახაზი შეფასების დროის ჩარჩოს ირგვლივ. გავიხსენეთ ,,გუგლ-დრაივში" მუშაობის პრინციპი. გავუზიარეთ ჩვენი ნამუშევრები ერთმანეთს.

ტრენინგის 4-ე დღე

კიდევ ერთხელ გადავხედეთ და მოვახდინეთ გასწორება უზუსტობებისა პროექტის იდეასა და მიზანში.
გავეცანითმიმართულების მიმცემ საკვანძო კითხვებს.
განვიხილეთ რუბრიკები. გავაკეთეთ კომენტარები ერთმანეთის და სხვა ჯგუფის ნამუშევრების შესახებ, ანუ გავაკეთეთ უკუკავშირი ერთმანეთთან.
ისევე როგორც სხვა ტრენინგები; დრევანდელი ტრენინგიც ძალიან ნაყოფიერი და სახალისო იყო. გმადლობთ.

მიმართულების მიმცემი საკვანძო კითხვები

ზოგადი კითხვა:კმაყოფილია სოფლის მოსახლეობა, როგორ აუმჯობესებს მათემატიკის

ცოდნა მათი ცხოვრების დონეს?

თემატური კითხვა:

1.როგორ შეგვიძლია გამოვიყენოთ სტატისტიკის ელემენტები ბიუჯეტის დაგეგმვისას?

შინაარსობრივი კითხვა:

1.რა მეთოდებით შეგვიძლია მოვიპოვოთ რაოდენობრივი მაჩვენებლები?

2.რა საშუალებები არსებობს ვიზუალიზაციისათვის?

3.როგორი სახის დიაგრამებს ვიცნობთ?

განვიხილეთ პროექტის იდეა. ესგ-დან ამოვიღეთ შესაბამისი სტანდარტი. ვიმუშავეთ პროექტის მიზნებზე. ბლოგის დახმარებით როგორ მივიღოთ კოლეგისგან უკუკავშირი.

სასწავლო პროექტის მიზნები

            მოიძიონ ისტ-ის ან ბეჭდვითი მედიის, შესაბამისი ლიტერატურის საშუალებით მათემატიკის პრაქტიკულ მნიშვნელობას  21-ე საუკუნის ეკონომიკისათვის, სადაც მნიშვნელოვანი როლი პურეულ პროდუქტებს ეკუთვნის.
           დაახარისხონ და დაამუშაონ მარცვლეული კულტურებისთვის მოძიებული  ინფორმაცია 1 ჰა-ზე თესლის რაოდენობასა მცენარის ღეროს ცვლილებასა და მოსავლიანობის შესახებ გამოსახულს ტონებში, კილოგრამებში, ასევე შეძლებენ პროცენტულ მაჩვენებლებთან  დაკავშირებულ მოქმედებებს.
          განსაზღვრონ მარცვლეულის რაოდენობა თითოეული ოჯახისა დამოსახლეზე.
მიღებული შედეგების წარმოდგენას ხელსაყრელი ფორმით: სიხშირეთა ცხრილით, წრიული და სვეტოვანი დიაგრამებით,ვენის დიაგრამით.
        შექმნან ბროშურები.
        მოამზადონ პრეზენტაცია.
        კვლევის შედეგები გააცნონ სოფლის მოსახლეობას ბროშურების დახმარებით                  

მეორე დღის რეფლექსია

სახელმძღვანელოს დახმარებით გავეცანით პირველი მოდულის მასალებს. ვნახეთ  21-ე საუკუნის უნარ-ჩვევები მოსწავლეთათვის, რითაც უნდა იყოს აღჭურვილი მოსწავლე, რომ ფეხი აუწყოს თანამედროვე ცხოვრებას. მოვიფიქრეთ იდეა ჩვენი მომავალი პროექტის შესაქმნელად, მას შემდეგ,რაც დავათვალიერეთ პროექტის შაბლონი.

პროექტის იდეა

გამაოგნებელია  უცქირო,  როგორ  ლივლივებს  ხორბლის, ქერის, სიმინდის ყანა. მართლაც  რომ  შეეფერება  ულამაზესი  პოეტური  სიტყვა „მზეკაბანი“. თითქოს  გიზიდავს მეტი  და  მეტი  იცოდე ამ  საოცარი მცენარეების შესახებ.მითუმეტეს ,რომ თითოეული მათგანის კვებითი ღირებულება შეუფასებელია, რამდენადაც სიცოცხლის  წყაროა ისევე, როგორც ჰაერი  და  წყალი.

      ეს   უხმოსავლიანი  მცენარეები არაერთხელ  ყოფილა მეცნიერთა  კვლევის  საგანი.   

     პროექტის ფარგლებში მოსწავლეთა ჯგუფები დააკვირდებიან ზემოთ  აღნიშნულ  სასოფლო-სამეურნეო  კულტურებს. კერძოდ, მათემატიკური  გამოთვლების  საფუძველზე  დაადგენენ რა  რაოდენობს (ტონა, კილოგრამი,  მარცვლის რაოდენობა) სათესლე  მასალაა  საჭირო 1ჰა-ზე.  ნათესის რამდენი  პროცენტი  აღმოცენდება საშუალოდ, რა  შეიძლება  იყოს აღმონაცენის მინიმალური, საშუალო და მაქსიმალური სიმაღლე,  თავთავის  სიგრძე, როგორია პროცენტული  ცვლილება თავთავებზე  და   ტაროებზე  მარცვალთა რაოდენობის შესაბამისად და ა.შ.

    კველვის  შედეგების  საფუძველზე  გაავლებენ  პარალელს თითოეული  კულტურისთვის დამახასიათებელ  თვისებებს  შორის, გამოყოფენ უფრო  უხვმოსავლიანს. მოიძიებენ რა  რაოდენობის  პურეული  საკვები  ესაჭიროება  მოსახლეობას, ასევე თითოეულ ოჯახს საქართველოში, რეალურად  რა რაოდენობას შეადგენს მოსავლიანობა.

     მოსწავლეები ქმნიან ბროშურებს, მოკვლეული მასალების ირგვლივ აგებენ სიხშირეთა ცხრილებს, სვეტოვან და წრიულ დიაგრამებს, გამოსცემენ ბუკლეტებს,  ქმნიან მუშაობის ამსახველ ვიდეომასალას და ამ ყველაფერს ათავსებენ კლასისი ვებ-გვერდზე.